ตทา โกลิยปุตฺตานํ สเตหิ สห ปญฺจหิ

ปญฺจ ปจฺเจกพุทฺธานํ สตานิ สมุปฏฺฐหิ ๑ ฯ

เตมาสํ วาสยิตฺวาน ๒ อทาสิ ๓ จ ติจีวรํ

ชายา ตสฺส ตทา อาสึ ปุญฺญกมฺมปถานุคา ฯ

ตโต จุโต อหุ ราชา นนฺโท นาม มหายโส

ตสฺสาปิ มเหสี อาสึ สพฺพกามสมิทฺธินี ฯ

ตโต ๔ อหุ จวิตฺวาน พฺรหฺมทตฺโต มหีปติ

ปทุมาวติปุตฺตานํ ปจฺเจกมุนินํ ตทา ฯ

สตานิ ปญฺจนูนานิ ยาวชีวํ อุปฏฺฐหึ

ราชุยฺยาเน นิวาเสตฺวา นิพฺพุตานิ จ ปูชยึ ฯ

เจติยานิ จ กาเรตฺวา ปพฺพชิตฺวา อุโภ มยํ

ภาเวตฺวา อปฺปมญฺญาโย พฺรหฺมโลกํ อคมฺหเส ฯ

ตโต จุโต มหาติตฺเถ สุชาโต ปิปฺผลายโน

มาตา สุมนเทวี จ โกสิโคตฺโต ทิโช ปิตา ฯ

อหํ มทฺเท ชนปเท สากลายํ ปุรุตฺตเม

กปิลสฺส ทิชสฺสาสึ ธีตา มาตา สุจีมติ ฯ

ฆนกญฺจนพิมฺเพน นิมฺมินิตฺวาน มํ ปิตา

อทา กสฺสปธีรสฺส กาเมหิ ๕ วชฺชิตสฺส จ ฯ

กทาจิ โส ตรุณิโก ๖ คนฺตฺวา กมฺมนฺตเปกฺขโก

กากาทิเกหิ ขชฺชนฺเต ปาเณ ทิสฺวาน สํวิชิ ฯ #๑ ยุ. สมุปฏฺฐหึ ฯ ๒ ม. ตปฺปยิตฺวาน ฯ ๓ ยุ. อทํสุ จ ติจีวเร ฯ ๔ ม. ตโต #ราชา ภวิตฺวาน ฯ ยุ. จุโต ฯ ๕ ยุ. กามา สา วชฺชิตสฺส เม ฯ ๖ ม. ยุ. การุณิโก ฯ